دليل الإستعمال الشخصي لل ... قلب
Personal manual of heart usage
Chapter 2
أها ،، إتخبصتوا ولا لسه ...
أوعا تكونوا إتخبصتوا بس !!
ليه أنا ماكلمتكم !! أنا ماغيرت رأيي في الموضوع ... لالالالا ياخي
ماتفهموني غلط .... أنا مامقلبتكم ----- إتذكروا كويس أنا المره الفاتت قلت ليكم أنا مامتأكد من كلامي بس قلت ليكم نكتشف سواا
بالله أنا ماكلمكتم ،،،، لاحولا ,,, والله أنا بالغت معاكم ... مامشكله
/// بعدين بحكيلكم .
المهم ..
شوفوا ياجماعه ... أنا لاحظت إنو في ناس ...وأنا حأخص الشباب (الرجاله) ---- معتمين ومقفلين خالص باب التخبص في حياتهم . أنا مابقول إنو الزول المامتخبص زول ناقص لاسمح الله ---- بس أنا بقول إنو الزول ماينمع نفسو بالرجاله كده من الموضوع .
ليـــــــــــــــــه ؟ أممم والله ده سؤال وجيه !!
لأنو ياجماعه الكبت بيولد ردود أفعال عكسيه ماجميله (( أنا الليله خاشي لي في دور دكتور نفسي خطيير)) أي
ردود أفعال زي شنو ؟؟ أنا بعرف لي ناس مابيحترموا البنات ---- مش كده وبس --- + مابيحترموا الولد البيحترم البنات .. والسبب شنو بكل بساطه لأنهم ---- مامدين نفسهم فرصة يعرفوا الجوانب الكويسة من البنات ... (( هو بالله عندهم جوانب كويسه --- ياخ ماتحكوها كده إنتو كمان )) ------- اها كنا بنقول في شنو
الغريبه البنات ماشاءالله مابيمنعوا نفسهم من التخبص أبداَ ----- مع إنو أنا كنت حألقي ليهم العذر لو عملو كده من باب إنو البت ماهي البتخطو الخطوه الأولي وكده ______ بس بصراحه الأيام دي بقي مافي خطوه أولي من الرجل ولا حاجه ---- الحكايه بقت مشاركه وكده ((شفتو صلحتها كيف ... مشاركه != قوه عين)) ...
الأولاد طبعا عندهم وجهة نظر غريبة ____ ماعالاف نجروها من وين ... المهم ... إنو التخبص ده (عيب كده ) أي نقص رجوله ماتعرف ، قله أدب (لا ماأظن قله أدب .. لأنو الأولاد بيحبو قله الأدب ) ... المهم هم عندهم فهم في الحكايه دي (( لالا ياخ ماتقول لي أوعابس يكون ماعندهم ....أكيد بيكون عندهم ---- الموضوع ده أزلي من زمن ناس عنتر وقيس والشباب الحلوين ديلاك )) ...
يعني شوف معاي ... هو الولد ممكن يعني ... إزا هو ماحجر زي مابيقولو الأولاد (حجر = جاف وبارد) ممكن يحكي لي الفرد القريبين (الصديق الصدوق زي مابيقول تيمون ) وكان هو فكيها حبنين كده ------ كمان للشله كلها
لكن ..... حسك عينك تدورو (تنتقدو*) قدام شباب مابيعرفهم .... أووو اووو .. قيامه قامت ...
فكل العاوز أقولو .... ياخ ---- مشو الأمور إيزي شويه ...
هو عموما موضوع التخبص بيجي مع شخصيه البنات الإفتراضيه أكتر من الأولاد ----
والله أنا زاتي مافهمت أنا قاصد شنو !!!!
طيب شوفو معاي البرنامج ده ___
# include <كرامه less >
#include < بال طويييييييييييل >
#include <اهتمام بالطرف الآخر <
# include <رغبه في الإلتزام >
شفتو ... الحاجات دي أسهل تكون في ولد ولا بت ؟؟
طبعا أنا عدم الكرامه ده ماقاصد بيهو عدم الكرامه نهائي ---- لالا طبعا لا سمح الله --- بس في موضوع التخبص ،،، الزول العامل فيها كرامة ياكرامة وحركات كرعين سمك (( كرعين سمك = ؟؟؟)) ماينفع نهائي .
لاكين كولو هين مع الولد والهيدر فايل الأخير بتاع * رغبه في الإلتزام * ده بيجرس الأولد جداَ ...
أغلب الأولاد بيقولو ((ولو بي تحت تحت )) ----- ... الجامعه دي لعب وفرفشه ... بلا تخبص بلا وجع ألب !!!
ف في نوع سموه معاي (1) .... حتي الزول البيتخبص منهم (( في الغالب ياجماعه --- ماكلهم ((مانعمل فتن ساي)) )) ممكن يكون جادي جدا ومخلص وأي حاجه .... لكن أبعد تخطيط في راسو ------- الخلطه الجايه ---------- اجيب ليها هديه .
.. أها وبعد دالك ... ياروميو !!
روميو :"عاين لي متحير ،،طبعا هو قايل روحو إتقطع خلاص " : اممم .... خلاص المره الجايه بعزمها بيرقر في نعمه ... وعاين لي كده نظام خلاص ---- الولد سكتني ...
أها وبعد دالك يافرده !!
روميو : " عيونو بقت كبااار" : ماهو شوف أنا مابقدر أقول ليها بحبك ... لأنو كنت قلتها ليها ,,, تاني نتلاقي عشان شنو ؟ ماحيكون في موضوع ؟؟ " وغمز لي .... نظام أفهمني ياحبه " .
إفهمك ... قرد
النوع التاني ...سموه (2) ... ده نوع واضح وصريح ... لا عاوز إرتباط جادي ولا حاجة ... بس في نوعين منو
الأول : مابيرتبط مع البت الجادة والعاوزة ترتبط ..... يعني بيبحث عن شاكلته
والثاني : واضح طبعا
فهم برضو ...
* بس ياجماعة ... الولد (بيتحول من قالب 1 لي 2 لي 3 لي ...) حسب الطرف التاني .. وحسب التخبص ... ولو في تخبص جد ونية سليمة وطرف تاني متفهم وذكي ...... مافي أي مشكلة .
* التخبص طاقة عظيمة ... وهبنا ليها ربنا .... نحاول نستخدمها أحسن إستخدام .... لأنها ممكن تكون مؤذية في حالة الإستخدام الخاطئ أو ..... مرات بس ظروووف ساي ...
وده بيقودنا للتخبص من طرف واحد .... الله لاوراكم .. عارفين لقيت تفسير في موقع إسلام أون لاين ... بيفسر الآية :(... ولاتحملنا مالاطاقة لنا به ...) سورة البقرة .... بالتخبص من طرف واحد .
أممم ...
المساحة إنتهت ...
ونواصل .... قريباَ إن شاء الله
AnyMouse
ليست هناك تعليقات:
إرسال تعليق