خليها تتفكفك
للأستاذ: حسن الجاهز
مدام هي عاملة فيها تقيلة ......... شخّت ليها همّشا
وانا من زمان قت ليك ............. جليا طنّشا
وما تبقى ليها مسكين......... اهرشا
وكمان لودعت الضرورة............ كفتا لطّشا
وقلعا من جزور قلبك.......... فنّشا
وكلامي ليك طبقو ........... ما داير لو مناقشة
* * * * *
خلاص ست الحسن.........ست الجمال المدهشة
عامله فيها ولا خلاص.......تقول بس سماحتا زي رشا
تفتري عليك كيف..........العيونا معمّشه
اتّقول في الدنيا تب مافي غيرا................هي الوحيده العايشة
كمان في كلاما قالت .........الجيم بتعطّشا
* * * * *
قبل ده قت ليك اصحى.........من الاوهام العايشة
ونصيحتي ليك خلّي الكبار ..............وأقع القرمبوز الصغار المقرشه
تطق الحنك من الصباح..........لحدي العشا...
من الصباح... لحدي العشا ..
ليست هناك تعليقات:
إرسال تعليق