بعد الغياب
كما غناها الإمبراطور محمود عبد العزيز قائلا "بعد الغياب بعد الليالي المرة في حضن العذاب عاد الحبيب المنتظر عودا حميدا مستطاب " .
يشهد قسم الجكس بيور كلية العلوم الرياضية إنتعاشة كبيرة هذه الأيام و بالخصوص بعد بداية العام الدراسي للبرالمة 08 "والله كبرنا خلاص وحننزل المعاش شكلنا" ، وكان القبول على 3 أصناف .
هنالك بعض الأسامي بعد غياب العام الماضي و السبب على حد قولهم كان القراية "عشان ما يربتوا" عادوا بقوة علي الساحة والإستعداد للمنافسة الشرسة للحصول على إحدى فتيات ال"top 10" من البرالمة " ربنا يوفق " ودا الصنف الأول .
أما الصنف الثاني فبدأ عام جديد لتغيير ال"lexus" !!! قصدي جكسويتو القديمة إما لأنو زهج منها أو لأنو في شباب عزابة شبكوا دي بت دفعتك ووو...... ، شوف ليك بت برلومة جااااادعة كده "نصيحتي ليكم ما تشتغلو بيهم" والقصد عشان تدوا النوع الثالث معاكم فرصة %
الصنف الثالث دا قصتوا عجيبة ، حنكو ما سنين "ما بقدر يحنك" دا بنقول ليهو يا كابتن دق صدرك و إتوكل هو فلان حنك مع واحدة !!!!.
في النهاية بنقول إنو في ناس زلازل لا برحمو و لا بخلوا رحمة الله تنزل و دا"external" : مثبت بت دفعتو وخاشي لفت في الدفع الوراهو " قاصي لي أولادها" كل ما يسمع بي بت جمرة يفتشا وحنك ليك معاها و أسي كمان نزلت دفعة جديدة طوالي دقش السوق وعمل update وبقى آخر style و الله يستر علي البرالمة من الأزمات العاطفية .
في الختام نقلت " رويترز " أن هنالك رباعي ناري قد بدأ إقتحام هذه اللعبة لإحتكارها .
To be continued …
الجنرال
ليست هناك تعليقات:
إرسال تعليق