دليل الإستعمال الشخصي لل ... قلب
Personal manual of heart usage
Chapter 4
المكان : عربية واحد صحبي .. أحد شوارع العاصمة .
الزمان : تقريباَ شهر 5 سنة 2007
الساعة : ياخ ماعارف ,, إنت حتحكها شديد ... المهم عصرية كده .
المهم جري الحوار التالي :
صحبي (م.ش) : أف
أف
آآآه
أنا : خير يافرده ، في شنو
من قبيل لاحظت ليك قافله معاك ؟
صحبي (م .ش) : ماالمخلوقات الفضائية دي جابت كثافتنا ...
أنا : مخلوقات فضائية ؟؟؟!!!
صحبي (م .ش) : البنات ياخ ...
كرهونا حياتنا دي زاتو ....هو في سبب غيرهم في كآبة وبؤس ونكد الناس .
أنا : هاهاهاها ... يافرده إنت شكلك بالجد قافله معاك .
صحبي (م . ش) : والله جأة كده بعد ماكنا سمن علي عسل ، موقف صغير لو حكيتو ليك حتضحك ,,,,
قالت لي : مأشوفك تاني ،، والبناتنا إنتهت //// وماتضرب تعتذر
وأسي أنا ماعارف أسوي شنو ....
أنا : ياساتر ........ قطع عديــــــــــــل ،،، لا لا إنت أكيد إرتكبت واحده من الكبائر
صحبي (م . ش) : إلا لو عدم الإتصال لمده يومين وبي سبب الفلس بقي من الكابئر وأنا ماعارف .
أنا : معقولة بس عشان كده //// والله غريبة منها عديل
...............
صحبي (م . ش) : إنت الماشي هناك ده مش صاحبنا (ن . ع) ؟!!!
أنا : آي والله ياهو
وفعلاَ كان (ن . ع)//////////////// بس //////////////////////////
كان ماشي سرحان وشعرو منكش وبعد كم بوري إنتبه لينا ولما أدانا نظره ،،،، أنا و(م . ش) قربنا نقوم جارين لأنو المان كان شكلو ساااااااااابي شديد .
وبعد سلامات وكده -------- ركب (ن . ع) معانا العربية
وكعادته دائما ,,,, مدا راسو بين المقعدين الأمامين و
أف
أف ............... و
بنغمة مشتركة ( ن.ع) و(م . ش) : .... آآآآآآآآآه
أنا : أها إنت كمان قصتك شنو يا (ن . ع) ؟؟!!!
(ن .ع) : الزفته دي ,,,,, في غيرها .
أنا : برضو ....!!!
صحبي (م .ش) : وأكيد السبب مابستاهل ومامفهموم برضو
وعاين لي مؤكدا : ياخ قلت ليك ليك ديل مابشر وبني آدميين زينا //// الواحده تعمل معاها موقف تقول خلاص الليلة حنال الرضا
تديك بالشلووووت
ديل مخلوقات فضائية ....
(ن .ع) : وقد أعجبه مصطلح مخلوقات فضائية ---- ووقع ليهو في جرح
ياخ يازول بس تاني نحنا مالنا ومال المشاكل :::::: عيب لي لمتنا دي
رجاله في بعضينا ،،،،،،، والله لاجاب جكس زاتو
أنا : ياجماعة كدي فكرو تاني ..... إنتو عارفين علي الرغم من إني موافقكم
هم صحي مخلوقات فضائية .... بس إحتمال لأننا مابنفهمم كويس
وبعدين علي الرغم من الأذية البتجينا منهم ـــــــــــــــــــ) نحن للأسف (ـــــــــــــــــ محتاجنهم ومابنقدر نعيش من دونهم .
(ن .ع) و( م . ش) : نظره إحتقار مشتركة لي ...........
وهذه الأفكار الهدامة التي صرحت بها ...
وإنخرط الثنائي المكلوم في دراسة مخططات التخلص من المخلوقات الفضائية
وأخيراَ بعد المناقشات الحامية * كانو جاديـــــــــــــــــــــــتن الجماعة ديل بالمناسبة *
إتفقو إنو يجيبو مكوك فضائي ويجمعو جميع المخلوقات الفضائية ويتم إرساله للشمس مباشرة ، مع بعض الأوصاف الدموية لكيف ستتحلل المخلوقات الفضائية مع درجة الحرارة _ تم حذفها نسبة ضمن شروط النشر _
المهم
كانت العقبة الوحيدة لفكرتهم العبقرية
نلمهم جوا المكوك كييييف ؟؟؟؟
ولكن الآن بعد عام من ذلك الحوار ,,, ومع تطور التكنولوجييا الحديثة
في حل //////////// وكمان ساااااااهل
بس أدي المكوك إسم ,,,
أيوااا ،،،،،،،، بس إسم كفاية
خلاص أقول ليك خت صورة :::: وكده حتلمهم أسرع وتتخلص ،،،، وكمان تتخلص من كذا ألف بسبب التدافع والتزاحم
منو ؟؟؟
الله ،،، وفي غيرو
مهند طبعا َ
مكوك مهند .
وبالمرة قول ليهم الوجهة " تركيا " إتجاه واحد
وماحتكون كضبت شديد
مش تركيا فيها " نور " ،،،،،،،،، وكمان الشمس ,,
Any Mouse
ليست هناك تعليقات:
إرسال تعليق