مواصفات الشعب السوداني - - - الكاتب :Zoal Kida

مواصفات الشعب السوداني

* طيب بس أناني .. وروح الأنا فوق في الأعالي ..

* دقاقين جرس في الفارغة و في الموقف الحقّاني ..

* البعض غبي ما بلعبا صاح.. والبعض ذكي .. والذكاء للاسف مستغلو خطاْ ,اما في ال***** او... مستغلو زول تاني "بلد تاني" ..

* العادات والتقاليد حاجة ظريفة .. عبارة عن مسلمات ما بقدرو يتنازلو عنها نهااااائي ..

* الدم خفيف حسب السخانة والجيب مليان ولا فاضي..

* مشارك في البخصو والمابخصو .. مستعد يتشالق ويحل مشكلة أي سوداني ..

* ما بعترف انو غلطان لو جا جااااان منو داك تااااااني ..

* مستهبل حبتين .. مراوغ حسب الذكاء الاصطناعي ..

* ما منظم نهاااااااااااااائي ..اسلوب الكلام الطبيعي والتواصل ما عارف لي ماااااافي ..

* شكّااااااااااااي .. ما عندنا وماعندنا ..والخير عامر في البلد بس الشي الساهل ده ال option الأولاني ..

* فلسفة 1000 .. عالم منظراااتي ..

*كسلان .. جداً جداً ,بحب الراحات والركلسة .. الشي الغريب يقول ليك الدنيا تاعباني ..

* مستجل بصورة محيراني .. كلو لازم يحصل في ثواني ..

* أما الغتاتة عند اللزوم شي أساسي ..

*حنين وكريم بس الظاهر محتاج اعادة تأهيل من تاني ..

تعليق:

الصفات أشياء مكتسبة .. ما فطرة ,ولا خلقة ..للضمان الجماعة ديل أصلاً ما كدة ..

كدي فكرو لو كنا نحن معشر السودانيين عايشين في مكان مختلف "بيئة مختلفة" ,ظروف مختلفة و ................ مختلفة .حنكون بنفس الصفات ؟؟؟؟ ماااااأعتقد ..

الانسان حبيس البيئة و المجتمع العايش فيه .. بكتسب منو صفاتو .. يعمل بي أخلاقياتو و أعرافو ..المشكلة مابفكر الحاجة دي صاح ولا غلط ,سلوك سااااي كدة ولا مبدأ ..

و انت كانسان وين فكرك ؟؟ تميزك ؟؟قناعاتك؟؟ طيب شخصك ؟؟

لي ما بتبني نفسك بنفسك .. "مافي طريقة تهدم وتبني" مكسب غيرها ,اعمل صيانة! صدقني حتتغير معاها بيئتك و بالتالي صفاتك ..

السوداني يقول ليك :

في حاجات كتير المجتمع بفرضا عليك .. عارفييييييييين.

في حاجات كتير مافي زول بورّيها ليك .. برضو عارفييييييييين.

حلّها!! انت تعرف , تكتشف , تغيّر ,تشغل مخّك.. القصة ما غباء ولا ذكاء .. القصة ايمان بالذات ,ثقة وكبرياء ..وأحسن تطلع سريع من الدورالعجيب الاسموالاستياء..

الحياة مرة ومافي أي مجال نعيد الفات ..

فكر في الموضوع من زاوية مختلفة ..ما تركز مع انت وين حسي ..ركزعلا ياتو اتجاه ناوي تمشي بعد حسي ..

حاول استمتع بي الحلو والمر.. ما تدي الأمور أكبر من حجمها .. كون بسيط و قنوع بي القسمة والمكتوب.. عيش اللحظة وما تضيّعا ..أرضي ربك وأرضي نفسك .. أكيد حتكون صفاتك سوداني سعيد و انت قاااااااااااااااعد في بلدك

..

zool kida