دليل الإستعمال الشخصي لل ... قلب
Personal manual of heart usage
Chapter 5
سلام ياشباب ....
عارفين ياجماعة ، أنا وصلت لي حاجة ...
حاجة مؤلمة ،،، للأسف
في المخلوقات الفضائية = البنات ،،،،،،، طيب أنا ماحأقول كلهم
عسي ولعل يكون في ناس ماعرفتهم ولا ناس فهمتهم غلط ،،،،،
لكن بقدر أقول 90% من المخلوقا الفضائية ....
مابعرفو معني التخبص =الحب .... الحقيقي ....
غريـــبـــة مش !!!
دايماَ بجيك إحساس من دموعهم الواقفة دايره سبب ،،،
ومن حب الأفلام والمسلسلات الرومانسية ،، والأغاني ،،
بيجيك إحساس إنهم مرهفين الإحساس وبيحبو بالجد ...
للأسف غلط ...
هم بيحاولو يعوضو نقص الحب الخطير الفي حياتهم بإنهم يشوفو ناس يحبو بدلهم ،،،
والكارثة الكبيرة كمان ////
لما
لما ------ الواحدة تكون عاوزة تحب بتكون متأثرة بقصص درامية وخيالية
وماعارفة إنو الحب ماتقليد وتمثيل ،،، بل إحساس لاإرادي ..
بإختصار كده :::: البنات لما يجو لي موضوع التخبص هم
Cold Blood Killers
أبداَ , أبداَ ,,,,, ماعاطفيين ,,,
نحن الدلاهات ديل عاطفيين أكثر منهم ,,,,
وللأسف هم كمان ماديين لأبعد الحدود ...
بتعاملو مع الطرف الثاني بصورة مادية للغاية ، وبعقلانية تامة ...
------
| 4 | والله ماقصيـــــــر |
| 3 | وماشين ،،،، بس كمان ماوجيه |
| 9 | مٌرطـــــــــــــــــــــــــــــب |
| - 2 | ماطموح كفايــــــه |
| 18 | إحتمال يقدر يتقدم لي قبل التخرج 60% "ويتحقق الحلم الكبير : خريجة ومخطوبة " . . .الخ |
| 32 | المجموع : |
أمم ,,,,,,,,,,,, خلاص ممكن أرتبط بيهو
أحسن أحبو شويه كمان ،،، عشان المنظر العام ،،، وأنا زاتي ماأزهج
وبعد داك :
غنية ... غنيتين شيرين + 3 كاظم + 2 تامر
فلم ... فلمين مصريات ----------- مابطال كمان
رواية عبير + نص واحده زهور ---------- غالبا بتكون قرتهم أيام الثانوي ..( خبرات سابقة )
و
100%
كمان لو إفتعلت لي كم مشكله كده معاهو عشان أخليهو يحس إني مامرميه عليهو وعشان يتمسك بي أكثر وأكثر
والوصفة تكون إكتملت .....
لأي سبب من الأسباب صاحبنا المسكين حصل ليهو ظرف ....معدلو نزل شويه زياده عن اللزوم ----- بدوهو بالشلووت
وبرضو لو ظهر زول في الساحة معدلو أعلي كتير ,,,,بيدو صاحبنا بالشلووت ...
وبرضو لو في واحدة صاحبتها جاها زول معدلو فلكي ,,,, فالغيرة حتلعب دورها ,,,, وصاحبنا المسكين ,,,, برضو شلوووت ...
للأسف ده مجتمع البنات ,,,, ( ماكلو طبعا /////// بس الغالبية )
شوفو نحن الأولاد البتقولو عليهم وهم وصعاليك ديل مجتمعنا كيف ,,,, بيتعامل مع التخبص ,,,,
ماأنكر إنو الواحد ممكن يكون بلعب عمرو كلو ويقابض جاي وجاي بس
لما يحب بالجد .... بكون صادق .... وبتغير 360 درجة ..
وبيخلص ليها جدا ,,,, وبيجتهد عشان البحبها ....
أنا شفت ولد ،،،،، كان بيعمل أي حاجة سيئة رذلة ممكن تتخليوها ,,, وماممكن تتخليوها
بس
حب ليهو واحده ،،، بت ناس
بطل أي حاجة وإستقام ,,, وإجتهد في قرايتو ,,,, وكسب إحترام أهلو لما إتقدمو للبت الحباها ,,,
ولد تاني :
أوضاعو وأوضاع ناس بيتهم تعباانة للغاية
حب ليهو واحده ...
إجتهد وإشتغل بإيدو وكراعو ،،،، في كذا حته
عشان يقدر يصلح أوضاعو ويتقدم ليها
-----
بس لحدي الآن :
شفت بنات كتااااار بيمسكو في أولاد بي كرعينهم وأسنانهم ,,,, بس
عارفين للصدفة الغريــــــــــــــــــــــــــــــبة ...
معدل الأولاد بيكون دايما ,,,, عاااااااالي
أبدا مابيغلطو البنات في إختيارهم ,,,, وبيكون موزون بالسنتيمتر
وده ماحرام ...
علي كيفهم ...
بس رجاااااء
وفروا دموع التماسيـــــــــــــــــــــــــــــــح .
AnyMouse
هناك تعليقان (2):
هههههههههههه
الله يسامحك
طلعتنا مخلوقات فضائية عديل كدة؟؟؟
طيب بتحبونا ليه؟؟؟
مجبر أخاك لا بطل
سنة الحياة
هه هه هه
الله يوقعنا مع فضائية ظريفة ... هاهاها
----
إرسال تعليق