عشق - - الكاتب : Zool Kida

عشق

قائد الأسطول بحنك في غصن الرياض المايل:

ق : سيب سلام الجفا حبيبي تعال .. من عنادك كفا حبيبي تعال ..

غ : بخاف يا انت لو جيتك ألملم في خطاوي الشوق وأزور بيتك يقولو علي حبيتك ..

ق : خايفة من درب المحبة وعاملة من الحبة قبة .. راجعي روحك حبة حبة .. والدلال ما تسوي سبة ..

" وبالمناسبة " خايفة ؟ حقو انا الأخاف الشاقي من يوم قلبي شافك ..

غ : منّك طلع خوف الوجع ..

ق : عشان ما نحنا بنريدك عشان سمحة .. تمسك في ذنب واحد ربنا لي الذنوب بمحا ..

غ : صدقني مابقدر أعيد .. قصة غرام ..

ق : ما بتقدري ..! يا حلوة حقو تفكري .. قبال قرارك تصدري ..

غ : "و لو قلت ليك " الريد أنا قلبي سابو .. العمر الفات ده ودّع صدقني ما بقدرأعيدو ..

ق : في الصّد تزيد في خبرتك .. في الحب أزيد في خبرتي .. "نعمل شنو" .. لمّا قسم الشقاوة أداها للناس البريدو ..

غ : " لكن في حاجة .. أنا حاسّة اني " برتاح ليك ..

ق : " و أنا " شاعر اني بريدك كلي من قدمي لسبيبة راسي ..

غ : أقول ليك ولا أخلي صمت الشوق يزيد البي على البيك ..!

ق : البي ما حاسي مالك بقيت قاسي .. " قولي وخلصينا "

غ : " بس " يكون ماسخ كلام الريده لما يقولوليك لسان ..

ق : " انت مركبة مكنة " سايق دلالوعلي .. " صاح " عارفو بتقسيهو قلبك ليه بتتعمد بعادي ..

غ : " خلاص ما تتضايق أناااااا " بحسك فرحة في جواي ..

ق : رغم المحنة الفيك بالريدة ما بحتا ..!!!

غ : بريدك والله عالم بي .. بريدك والله زي عيني .. وسبب الريد عينيك وعنيّا ..

ق : " وانا " حبي ليك حب ما اعتيادي .. " أنا بوعدك " تبقي البحر بتدلى لي .. أبقي السما بطلعا ليك ..

غ : " تصدق " ما لقيت في دنيا الناس ساكت شبه زيك ..

ق : " ولا انا " في بسمتك احتار واقيف .. في مشيتك خطوات مشيك ..

غ : " ممكن أشوفك " لي مدة من رؤياك .. ياليتني كنت شفتك ولو في النوم ..

ق : " أجيك حسّي ده " مشاوير الحزن تقصر وقت خطواتي تمشي عليك .. " وكان على " شوق العيون .. سأصبر ياخ ايه أعمل ..

غ : " لكن " لهيب الشوق ..يحرق في حشا الاحساس و يغلب قدرة الامكان ..

غ : ما تشيلي هم ..! " القصه حبة زمن بكون معاك " ..

" بعد ساعة قائد الاسطول لاقا غصن الرياض .. لكن لقاها زعلانة لانو اتأخر ..(مواعيد سودانيين) "

ق : مساء الخير .. وعاش من شافك ..

غ : ......................... .

ق : " ايوااا شغل بتاع " صمتك البواح ..

غ : كدة برضو تسيبنا وتنسانا .." وانا " بشتاق ليك وأتدفق ريده ..

ق : أنساك ؟ انت انت بتتنسي .. ما انت روحنا وحبنا ..

غ : فراقك مافي داعي يطول .. غيرك الساعات مضاعة ..

ق : " حاااضر ما حتأخر تاني .. انت عارفا ؟؟ " قبل ألقاك و ترسى الروح .. تسرح في الاماسي تروح .. كنت بلاك جرح ما بروح .. قلبا في بالانين مجروح ..وجيت الليلة يا سيدي بقيت لي روحي توأم روح ..

غ : " ابتسم الغصن " ياروحي .. عامل كيف ؟؟ ونور بيتنا ..

ق : " قلتي لي نصل الحاج متين عشان " تتزفي لي وأتهنّا بيك ..

zool kida