دليل الإستعمال الشخصي لل ... قلب
Personal manual of heart usage
Chapter 6
كل سنة طيبين وسالمين ياجماعة ...
وإن شاء الله أمانيكم متحققة ،،، والسنة الجاية في وضع تخبصي أحسن ...
------ ------- ------ ----- ----- ------ --- -- -- - - -
كنت عاوز أواصل عن المخلوقات الفضائية /// لكن نسبة لوصول عدد مقدر من رسائل التهديد
فحأجل الكلام ده لي وقت تاني ..._الزول يعمل حسابو_ (إن كيدهن عظيم ) .
+++++++++
طيب
نرجع للشباب الحلوين (الرجالة)
أسوأ إحساس ممكن يحس بيهو الرجل هو .... فقدان الحنان
أنا نسبة لأني عندي تجربة واسعة مع هذا الإحساس _الحلومر_ ,,,, قررت أشرككم فيها ,,, والسبب إنو في شباب كتار بيكونو بيتصرفو بطريقة غريبة مع المخلوقات الفضائية ,,, وبيكون إحساسهم تجاهم حتي هم ماقادرين يحددو الحاصل شنو ...
والسبب ببساطة /// فقد الحنان
الرجل بيحتاج للمرأة .... ودي حاجة أظن أي زول عارفها .... بس ....
الإحتياج ده لأي درجة ....
يحصل شنو لو شاب أسي في إسكول .... علاقاتو مع الجكس واسعة جدا ...(خلاطة مولينكس)
حرمناهو من المخلوقات الفضائية لمدة أسبوع .... لاشوفة لاتلفونات
حيتأزي .... دي حاجة أنا أضمنها ليكم 100%
حجم الأزية لياتو درجة .... دي حسب الفردة بتاعنا متمرن ومتعود يتعايش مع فقد الحنان ولا لأ
------
الشاب مرات بيكون ببساطة بس عاوز يقعد مع " دامة " زي مابيقولو .... ماأكتر ولا أقل ... قعده بتاعت ربع ساعة بتزيح منو أحاسيس الحرمان المؤلمة ... كلمة حنينة يقدر يعيش بيها كم يوم ...
بس للأسف طبعا ...
الزملاء في المخلوقات الفضائية ماعندهم كلام زي ده ...
فلان ده جاي يقعد معاي لماذا ؟؟
أصلو حركتو دي ماساي من فراغ ...
وهاك ياإحتملات وضرب أخماس في أسداس وإجتماعات طارئة ... ( ولا إجتماعات الرابطة ) ...
وبي كترة الكلام .... ممكن واحدة زكية "شفاتية " تنصح صاحبتنا بإنها " تتاقل " شوية علي فلان عشان مايحس إنك ماصدقتي ..
وممكن واحدة تنصح بإنو يقطعو معاهو ..."لأنو أصلا ماعلي قدر كده " ...
***
شخصيا ...
أفتكر أحسن حاجة الزول يتعود علي التعايش مع فقدان الحنان ...
إتعود إنك تكون 100% ومزاجك زابط .... وإنت عزابي ... " حجر" .
ودي ... حاجة ماساهلة طبعا ... عاوزة تدريب ...
مامعنا كده تقصد تقطعو مع المخلوقات الفضائية وتعيش معزول ...
لأ
بس إنت تكون بتقدر تعيش في كل الظروف ....
ماتكون ضعيف
تحت رحمة المخلوقات الفضائية ...(طوااااالي عاوز جكس ) ..
صدقوني
كتتييييييييييييير من الشباب ,,, تحت رحمتهم ,,, بدون مايشعرو ...
لأ ...
طيب فكر براحة ...
أكتر مدة قضيتها بدون أي تواصل مع جكس ... كم !!
إذا لقيتها ... أقل من يومين ...
ف
سجل معانا في كورس ... التعايش مع فقدان الحنان ... نحت شعار ...
No Women >>> No Cry
طيب ...
في مشكل تاني صديق ...
...
المتخبصون ...(المتخبص بحق وحقيقي )
المتخبص وأمورو سالكة ... ماعندو مشكلة ...
بس
المتخبص وقاطعنو معاهو (أو لأي سبب ما )
ده مشكلتو كبيرة ...
أوريكم لماذا ...
لأنو حيكون فاقد حنان ...لأنو بشر وبيحس
طيب ... بس ... ماأي قعده مع أي دامة ... بتريحو
إلا البت البيحبها ...
والمفتاح عند النجار والنجار عاوز فلوس ""
--
--
سارع بالإشتراك معنا في كورس التعايش مع فقد الحنان
لأنو يافردة ... إنت محكوم عليك بي كده ... ماعندك حل تاني
+++
سؤال بيطرح نفسو
المخلوقات الفضائية ,,, بيحسو بفقد حنان برضو ...
الله أعلم ...
إحتمال لو الفضائيتين ... (فلانة وفلانة )
كتبو لينا عن النقطة دي ... يكون أفيد ... من الكلام عن ...
" هنو " شاد أوغلو ... (حفظه الله ) .
AnyMouse
ليست هناك تعليقات:
إرسال تعليق