يا زووووول الدنيا ماشة بس ابتسامات .. حب تقيل ما حصل .. أصلو مافي أمور جرجرات .. أما المجاملات شغل غريب في كل المناسبات .. شي خواتم و مجوهرات .. حنك jordano و zara و ماركات .. ريح, انسيالات و جنس ابتكارات .. طلبات ست الناس كلّها مجابات .. واتغير كتيير عشان عيونا الحلوات .. الدنيا وردي و كل الامور مفرحات .. بس الجو اتخللو حبّت ضباب و حركات .. غيرة كدة و مانافعين معاي الاصحاب و الصحبات .. ولبسك يا حلوة " مافي شي عاجب " لا قمصان ولا اسكيرتات .. كلّو فهمنا ,الجمال ده من ربّنا يعني نعمل في الوش تشوهات .. قرب يلبسا برقع وعبايات .. ما فاضل الا يخت الجميل جوّا جيبو و علبة من العلبات .. الحلوة بتجلّي و عيونا صابرات .. الغيرة ما حب مستحيل تكون حنك بتاع حركات ..
كترت المشكلات .. و الموضوع جاب لي حااجات و حاجااااات .. القصة طلعت ما غيرة بس .. الشخصية عبارة عن نفسيّاااات .. مافي تفاهم, المخ مقفل في كل الاوقات .. وأهم شي الهروب من المشكلات .. أعمل العملة .. ووين....؟! شتااااات .. أنا متأكدة في عقد مؤصّلات .. ست الناس, زينة البنات دبلت بعد كل الصدمات .. وحاولت تعرف سبب كل التغيرات .. لكن البوريك منو يا حلوة ؟! .. ما تزعلي الغلطة منك, مافي داعي من الاول لأي موافقات ..
حبايبنا ديل جن و هترشاات .. حسب ال mood و التطورات .. يغيييييييييييب ياخد break يرتاح شوية من الحبّكانات .. يرجع يا maaaaaaaaan حب و اشتياقات .. و المفرض يا حلوة عينوك تكون مستنيات, بكل شوق معسول ممزوج بفرح و ضحكات .. أمّا فترة الغياب !!.. أنسي ألم الذكريات .. و لو مرّت مواقف كنت دايرة مساعدات ..!! جلّي جلّي بس شنو كتّري من التضحيات ..
السمحة صبرت كتيييير وتعبت من المسكنات و المهدئات .. الأعصاب و الشرايين خلاص ما مستحملات .. لو واصلو كدة الجلطة و السكري جاهزااااات ..و عمك قرر يجلّي القصّة .. بس كده بدون سابق انزارات .. و مافي – دايرك في موضوع – طبعا ما قادر يواجه, جابو من بعيد دة ما طبع بغلب كا التطبّعات .. وست الناس حاولت تلقى مبررات .. و ما طلعت بأي استنتاجات ..
" الحقيقة مافي نصيب ده ربنا مالإرادات " .. حمدت شاكرة رب السماوات .. دي كلّها اختبارات .. و قررت تنسى الحصل .. الدنيا ما حتقيف عند نزيف الذكريات .. الفات خلاص مات ..
... To be continued ...
ليست هناك تعليقات:
إرسال تعليق