دليل الإستعمال الشخصي لل ... قلب
Personal manual of heart usage
Chapter 1
حصل إتخبصت قبل كده !!؟
إقرا الكلام الكتير التحت ده .. وبعدين إحتمال ... معاي .... إحتمال أن مابضمن ليك ... إحتمال تعرف روحك متخبص ولا لا !
أولا :-
التخبص ( لغه محليه لشله في إسكول )
Wo ie niالتخبص (باللغه الصينيه )
Ik hou van jouالتخبص ( باللغه الألمانيه )
Mein Tumse Pyar Karta Hooالتخبص (بالهندي)
ثانيا :-
الموضوع ده لا يقل أهميه عن أي موضوع سياسي أو ثقافي ... ومن أسي لو شايف عكس كده ... أوفر عليك زمن
إنت ماإتخبصت قبل كده . بس واصل الكلام الكتير التحت ده عشان تعرف في أمل ,,, يعني ممكن يوم كده تتخبص ولا لا .
طيب ... بعد كده نخش في موضوعنا
طيب .. كدي هنا في (إسكول الجميله ) عندنا كم موضوع بتاع تخبص ؟!
أنا شخصيا مامتابع كويس للشمارات ، لكن زي ماعارفين أسكول مجتمعها صغير جدا ... وبتسمع حاجات كده وكده حتي لو ماعاوز .. هاهاها
المهم أنا من السامعو جاي وجاي ... حسيت إنو في كميه من الناس في إسكول مافهمين موضموع التخبص 100% ،،،، وأكضب عليكم لو قلت ليكم أنا زاتي فاهمو 100% .... بس تعالو نحاول سوا .
في حاجات كده نحنا بنلخبط بينها وبين التخبص :-
* في حاجه إسمها (إعجاب ) ودي ممكن تبدأ من الزماله الجيده ولحدي الصداقه ,,, بس ,,, ماأكتر من كده .
.. الأصحاب بيشتاقو لي بعض عادي ،، relax يعني يافرده ماأول ماتلقي نفسك مشتاق / مشتاقه لي زول تقوم تمشي تطرح طوالي ..
ودي حاجه أثبتتها الدراسات *.
طيب .. الإعجاب ده ممكن يكون واضح ، وماأظن في خلط بينو وبين التخبص .... وبالمناسبه ماضروري إنو يكون الإعجاب مرحله إلي التخبص ، يعني في ناس عادي ممكن تكون معجب بيهم ســـــــــــــــــــاي كده لمن تموت .
* في حاجه تانيه ماعارف أسميها شنو ... لكن أنا حأوصفها ليكم وإنتو حتعرفوها طوالي ..
إعجاب لكن معاهو كهربا كده في الجو مع الزول ..... ولما تحاول تصنف الزول ده موقعو شنو من الإعراب بالنسبه ليك بتشووف : عصافير وركشات ونجوم وكدايس جوه راسك ^^^ وبرضو مابتعرف موقعو شنو من الإعراب بالنسبه ليك
طيب .. واحده واحده ))) الزول ده متخبص فيك ؟! أأه معليش نسيت نحنا لسه ماإتكلمنا عن التخبص // طيب مامشكله خت الإحتمال ده معاك ,,, إنو الزول ده إحتمال يكون متخبص فيك .بس برضو مافي داعي للإستعجال ،،، في ناس كده ... ســــــــــــاي بيكون في كهربا معاهم . بس إحتمال هنا إنت تكون في مرحله من مراحل التخبص ,, وفي أسباب مانعاك من التقدم ,,,, يعني إنت براك ماعاوز تتخبص .
لـــــــــــــــــــــــيـــــــــــه !!! ياعوير !! السبب شنو ؟؟
فكرت مع نفسك براحه كده ؟ ولا لا ؟؟ ماهي الكهربا دي جايه من وين ؟ صحي في ناس كده كهربتهم أصلا براها عاليه لكن إنت عارف وأنا عارف إنو دي ما الكهربه القاصدنها نحن . نحن قاصدين الكهربا بتاعت التخبص .
ياجماعه ... ياطيبين ... مافي داعي أصلو الزول يولد لي نفسو مشاكل من مافي ؟؟ كفايه المشاكل الموجوده الحقيقيه .. دايما ماتخلي حاجه عالقه في نفسك وإنت مافاهمها وبتتعامل معاها بالبركه ساكت ... الله أداك المخ ده لي شنو ..!! أسي كدي : لو إنت ولد .... رص البنات الإنت بتعرفهم ولو بت : الأولاد .. البتعرفيهم . (( لاحولا ... مالهم كتار كده ..... ناس إسكول يا ... صعبين إنتووالله )
المهم : صنفهم إلي :- زملاء / فرد / فرد شديد / أكثر من فرد شديد(أوعا يكونو أكتر من واحد ).
زملاء : دي واضحه طبعا . / فرد: ديل .... فرد / فرد شديد : أممم . يعني.. أكتر من فرد
( ليه عندي إحساس إنو أنا مشرحت حاجه ) كدي ماعلينا . خلونا في آخر فئه وده موضوعنا : في كميه من الناس في إسكول عندهم الفئه دي ... كتيــــــــــبه كامله ... ماصاح ياجماعه ؟؟ ولا رايكم شنو ؟ يعني زي الطفل الصغير بيدخل محل اللعب بيخطف بي جاي وبي جاي ويخم ساكت وفي النهايه هو ماحيلعب بي كل اللعب وحيرميها ساكت .... بـــعـــد مايكسرها .
المشكله هنا إنو نحن بنتكلم عن ناس ,,,, بشر . مالعب ... وبصراحه كده الحركه دي عند الأولاد أكتر من البنات . ف ماصاح ياشباب . حددوا إتجاهاتكم . لأنو الطريقه دي حتجيب ليكم ولي غيركم المشاكل .
المساحه بتاعتي إنتهت ولسه نحنا مادخلنا في موضوع التخبص ....علي كل مامشكله المره الجايه ,,, نواصل مع :-
* هل تعتقد أن التخبص حلال ؟
* الزول البيكون شايف إنو أحسن حاجه ... الجامعه دي لعب وفرفشه ... بلا تخبص بلا وجع ألب !!!
* الزول المتخبص .... أههها وبعد داك ؟ الخطوه الجايه شنو ؟
والمزيـــــــــــــد ....
Anymouse
هناك تعليق واحد:
وياترى انت استوحيت المقالة من واقع تخبيصة شخصية ولا تخبيصة صديق؟؟؟
إرسال تعليق