البنشات تحت شجرة اللبخ الكبيرة العتيقة ،، دعونا نتسامر ونتفاكر
خواطر ، قصص قصيرة ، أشعار ، فكاهات ، تحليلات سياسية ، حوارات فكرية ... و .. شمارات ,, مجتمع أسكول الحبيبة .
أنا : ياساتر ........ قطع عديــــــــــــل ،،، لا لا إنت أكيد إرتكبت واحده من الكبائر
صحبي (م . ش) : إلا لو عدم الإتصال لمده يومين وبي سبب الفلس بقي من الكابئر وأنا ماعارف .
أنا : معقولة بس عشان كده //// والله غريبة منها عديل
...............
صحبي (م . ش) : إنت الماشي هناك ده مش صاحبنا (ن . ع) ؟!!!
أنا : آي والله ياهو
وفعلاَ كان (ن . ع)////////////////بس //////////////////////////
كان ماشي سرحان وشعرو منكش وبعد كم بوري إنتبه لينا ولما أدانا نظره ،،،، أنا و(م . ش) قربنا نقوم جارين لأنو المان كان شكلو ساااااااااابي شديد .
وبعد سلامات وكده -------- ركب (ن . ع) معانا العربية
وكعادته دائما ,,,, مدا راسو بين المقعدين الأمامين و
أف
أف ............... و
بنغمة مشتركة ( ن.ع) و(م . ش) : .... آآآآآآآآآه
أنا : أها إنت كمان قصتك شنو يا (ن . ع) ؟؟!!!
(ن .ع) : الزفته دي ,,,,, في غيرها .
أنا : برضو ....!!!
صحبي (م .ش) : وأكيد السبب مابستاهل ومامفهموم برضو
وعاين لي مؤكدا : ياخ قلت ليك ليك ديل مابشر وبني آدميين زينا //// الواحده تعمل معاها موقف تقول خلاص الليلة حنال الرضا
تديك بالشلووووت
ديل مخلوقات فضائية ....
(ن .ع) : وقد أعجبه مصطلح مخلوقات فضائية ---- ووقع ليهو في جرح
ياخ يازول بس تاني نحنا مالنا ومال المشاكل :::::: عيب لي لمتنا دي
رجاله في بعضينا ،،،،،،، والله لاجاب جكس زاتو
أنا : ياجماعة كدي فكرو تاني ..... إنتو عارفين علي الرغم من إني موافقكم
هم صحي مخلوقات فضائية .... بس إحتمال لأننا مابنفهمم كويس
وبعدين علي الرغم من الأذية البتجينا منهم ـــــــــــــــــــ) نحن للأسف (ـــــــــــــــــ محتاجنهم ومابنقدر نعيش من دونهم .
(ن .ع) و( م . ش) : نظره إحتقار مشتركة لي ...........
وهذه الأفكار الهدامة التي صرحت بها ...
وإنخرط الثنائي المكلوم في دراسة مخططات التخلص من المخلوقات الفضائية
وأخيراَ بعد المناقشات الحامية * كانو جاديـــــــــــــــــــــــتن الجماعة ديل بالمناسبة *
إتفقو إنو يجيبو مكوك فضائي ويجمعو جميع المخلوقات الفضائية ويتم إرساله للشمس مباشرة ، مع بعض الأوصاف الدموية لكيف ستتحلل المخلوقات الفضائية مع درجة الحرارة _ تم حذفها نسبة ضمن شروط النشر _
المهم
كانت العقبة الوحيدة لفكرتهم العبقرية
نلمهم جوا المكوك كييييف ؟؟؟؟
ولكن الآن بعد عام من ذلك الحوار ,,, ومع تطور التكنولوجييا الحديثة
في حل //////////// وكمان ساااااااهل
بس أدي المكوك إسم ,,,
أيوااا ،،،،،،،، بس إسم كفاية
خلاص أقول ليك خت صورة :::: وكده حتلمهم أسرع وتتخلص ،،،، وكمان تتخلص من كذا ألف بسبب التدافع والتزاحم
- مرحباً بكم في برنامج ضيف على الهواء وضيفنا اليوم شخصية من نوع خاص .........لقائنا اليوم مع النجم الصاعد كالصاروخ النجم الضجة صاحب اعلي نسبة مشاهدة في برامجه التليفزيونية لقائنا اليوم مع الشيخ الشيخ .............موسيقى تشويقية .......عمورى
مرحب بيك يا شيخ عمورى ونحن بنرحب بيك في برنامجنا ضيف على الهواء .
- السلام عليكم ورحمة الله وبركاته وأنا جاهز إنشاء الله وبحمده لأسئلة السادة المشاهدين .
- طيب يا شيخ عمورى نبداء برنامجنا ونفتح الفرصة للسادة المشاهدين للمشاركة معانا في البرنامج ونستقبل تلفون ....
- الو ..السلام عليكم .
- وعليكم السلام اتفضل .
- لو سمحت يا شيخ عندي سؤال وكدا ..... يا شيخنا ناس أمريكا و إسرائيل ديل مش كفار وقليلين أدب وكدا ....... وانحنا الناس المسلمين والكويسين .
- أكيد يا آخى ودى ما فيها اى شك .
- طيب الناس ديل متقدمين فى العلم و في اى حاجة في الدنيا .... اقتصاد وعلوم وكلو الكلام دا ما واضح لى يا شيخنا الناس الكعبين أحسن من الناس الكويسين ........ وشكراً.
- بسم الله والحمد لله أولا قبل ما أرد على ولدنا داير أقول ليهو انو الناس ديل ما فايتننا ولا حاجة لأنو نحن مؤمنين وهم لا ...... وهمفي النار وانحنا في الجنة .......دى نقطة سبتاوبعدين يا آخى دا نوع من الابتلاء لأنو نحن بعدنا عن ربنا وانشغلنا بتعلم علوم الكفار وهم ما بدونا العلم المفيد وكدا ..... و بعدين من جانب تانى العلم والتقدم الفيهو الغرب دا كلو حقنا شالو مننا زمان وكدا ........ وبعدين الله سخر لينا الغرب عشان ما نتعب في علوم الدنيا وكل ما علينا هو الاجتهاد في العلوم الدينية من فقه وعقائد و غيرو ونترك العلوم الدنيوية للكفار ...وهم يتعبوا ويخترعوا ونحن نلقاها جاهزة وفى النهايةهم فيالنار .... وأرجو انو أكون جاوبت ليك.
- الو .... الو .
- أهلا بيك في برنامجنا اتفضل .
- معليش بس ممكن أتكلم مع الزول القاعد دا .
- جداً اتفضل .
- أول حاجة داير اسئلك سؤال انت حالق دقنك ومتمسح كدا ليةيعنى ما فيك اىوقار ... وبعدين انت من البرامج التلفزيونية بتقبض اكتر من 2 مليون دولار في السنة انت شيخ ولا بتلعب في ريال مدريد........ وطيب قاعد تدى منها للمساكين كم وأنت سايق ليك عربية اخر موديلوبعدين .....شششششششششش
- معليش انقطع الخط..... وبعدين يا جماعة اى زول عندو مشكلة شخصية مع الشيخ دا ما وكتو وأرجو الناس تكون موضوعية فيطرح الأسئلة.
- الو ... الو
- أهلا وسهلا اتفضل انت معانا على الهواء.
- شكرا ليكم لاتاحة الفرصة وداير أهدى الفتوة الجاية للرئيس وكل الشعب السوداني والأهل في ام كريعاتو ..
- اتفضل أسئل سؤالك .
- داير أسئل من حديث الضبانة .. واكان وقعت فى الروب اسويلا شنو وداير اعرف حكم الضب زى الضبانة ولا لا و عندى سؤال تانى .....ششششش
- طيب يا مولانا الخط قطع ونكتفى بالسؤال الاول وخلاص .
- اول حاجة الزول دا شكلو بسال من حديث الذبابةودا حديث ثابت طبعا فى السنة ..... واكان وقعت الضبانة فى الروب دخلا كلها وبعدين اشرب الروب عادى لانو فيها الدواء بتاعا ...... أما عن حكم الضبفانه لم يرد أن الضب وقع في طعام احد من الصحابة والله ورسوله اعلم .
- طيب شكرا ليك ومن هنا أنا عندي اقتراح انو الناس ممكن تستفيد من الحديث دا ولا ما كدا يا شيخنا .
- ايوة ممكن نستفيد منو ونعمل مصنع اسلامى للادوية وبى كدا نستفيد من كمية الضبان الموجود في السودان .... ومن هذا المنبر انى أدعو الغرب الكافر لفتح حماماته .....اقصد معاملة لهذا الاكتشاف العظيم .
- طيب يا شيخنا نشوف فاصل وبعدين نرجع ليك .
........فاصل موسيقى .......
هل لديك الكثير من الأسئلة ...... هل تعانى من الحيرة ...... هل برامج التلفزيون والراديو لا ترضى طموحاتك .... هل تعانى من فاتورة التلفون المكلفة ..... إليكم الحل ........موسيقى تشويقية ...... المفتى الألىهو الحل ... خفيف الوزن ......سهل الاستعمال ....... قابل للبرمجة..... والابديت مجاناً....وقريبا جداً المفتى موبايل .... كل هذا من شركة ( و اسألوا أهل الذكر إن كنتم لا تعلمون ) ....شعارنا لاتحتار ...المفتى هو الخيار .
- طيب نستقبل المكالمات .
- الو .... السلام عليكم ... ياخ داير أسئل حكم الدين شنو في مسألة اوكامبو مع البشير وحكم الزول البقيف مع اوكامبو.
احمر وجه الشيخ وتعرقت يداه...الزول دا داير يودينا السجن ولا شنو
- يا شيخنا ........... عمل فيها ما سامع ........أعيد السؤال ولا شنو .
- لا شكراً ..... طبعاً يا جماعة البشير هو الإمام بتاعنا وهو رمز الأمة الإسلامية وحافظ كتير من القران غير كدا ......اوكامبو دا حافظ سورة واحدة ؟ ..... وبعدين البشير زول راجل ....... عشان كدا راى الدين انو اى يزول يرضى بى قرار اوكامبو ....أثم شرعاً ..........مش كدا وبس بل يجب عليهو أن يسعى لتغيره بيده فان لم يستطع فبلسانه فان لم يستطع فبقلبه وذلك اضعف الإيمان .
- الو السلام عليكم ......... ياشيخنا والله عندى ولدى امتحن شهادة سودانية وجاب 84وداير اشوف راي الدين شنو بخصوص التقديم وكدا ..... والحاجة التانية داير اعرف لمن اكون ماشة فى الشارع امشى يمين الزلط ولا شمال الظلط ولا فى النص وشكراً.
-طيب اولا بخصوص الولد بما انو ذكى فيجب عليه تعلم علم شرعى ويا حبذا لو فى جامعة غير مختلطة لانو النساء ديل فتنة كبيرة يجب تجنبم ما امكن ...... والحاجة التانية فى موضوع المشى انا شايف انو تانى النساء يمشو شمال الشارع والرجال يمين الشارع وبذلك نكون درءنا الفتنة البتحصل فى الشوارع وخاصة ايام العيد .
- الو ...الو ... نيتقبل مكالمة جديدة .
- عاين يا مولانا نحن فى القرن العشرين .... يعنى زمن بتاع تخصصات وبعدين انت هسى اتكلمت فى الاحياء والسياسةو الدين واى حاجة بسألوك ليها بتجاوب والله ماعرفناك شيخ ولا شغال فى الشؤون العلمية ولابتاع مرور حكايتك شنو انت يا شيخنا شغال نجر ...نجر....نجر....كرهتونا التلفزيون زاتو الزول داير يسمع ليهو غنية ساى ما لاقى طريقة ....ششششششششششششششش
- معليش انقطع الخط وناسف للناس الماقدرو يتصلوا علينا لأنو زمن البرنامج انتهاء والى لقاء في الحلقة القادمة وشكراً .