البنشات تحت شجرة اللبخ الكبيرة العتيقة ،، دعونا نتسامر ونتفاكر
خواطر ، قصص قصيرة ، أشعار ، فكاهات ، تحليلات سياسية ، حوارات فكرية ... و .. شمارات ,, مجتمع أسكول الحبيبة .
امراة تحمل كل معانى التكون او شفيف اللحظة احتست قهوة الحروف ثم غادرت الصنوبر بعد ان اوجدتنى تعانى من حمى الرجوع وتترك فى القلب اثارها.
ان الكتابة عن العشق تشبه السيرعلى الماء من غير ان تبتل.
هل نستطيع السير على الماء من غير ان يصيبنا البلل؟؟
هل نستطيع الدخول الى هذا البحر والخروج من غير ان نستخدم منديلا ورقيا لتجفيف دموعنا؟؟
الان بداء يصيبنى دوار الفكر وهو حالة مرضية تصاحب الكتابة.
احببتك عند .......
هل للحب مكان ؟؟
كنت تبتسمين بكل بشاشة , وكان ذلك البريق فى عينيك وكنت سيدة الدهشة الاولى
كانت قدماك مطويتان على شكل صليب معقوف (ساق سمراء من فوقها ساق سمراء)
وادركت انك هى , منذ الوهلة الاولى شل تفكيرى وادركت ( بواسطة حاسة اخرى ليست من الحواس المألوفة لى) انك سيدة الرغبة الاخيرة.
كان ذلك عندما......
وهل نستطيع ان نختار الاوقات المناسبة للحب؟؟
ولكن لو قدر لى ان اختار لاخترت فصل الشتاء , فقد تصبب جسمى عرقا وكدت اغرق منذ اللحظة الاولى لولا تلك النسمة الباردة التى هبت من فوق كتفيك عندما التفت محدقة الى كانت نسمة من شعرك عند دورانه دورة كاملة حول صدرك . وأصطدمت العيون بالعيون والشفاه بالشفاه.....!!
وادركت انك سيدة الكمال وصفا.
واتجهت صوبك وقلت لك......
وهل فى الحب ما يقال؟؟
الحب هو الهواية التى نحترف فيها الصمت ونتقن فيها الصراخ
الم يقل نزار:" كلماتنا فى الحب تقتل حبنا ان الحروف تموت حين تقال"
الحب ان نكون رغم كل القرب الجغرافى ابعد ما نكون عن ذواتنا الحاضرة
ان نتجرد من كل المعانى والاحاسيس الانسانية بما فيها الحب نفسه.
لذلك حاولت ان اكون هناك وحدى بعيدا عنك
انت ياسمراء اجلس بعيدا واراقبك تبتسمين بكل بشاشة, وكان ذلك البريق فى عينيك تطوين قدماك على شكل صليب معقوف (ساق سمراء من فوقها ساق سمراء).
ياولد ويابت ... لما تقول أنا بحب فلان/فلانة ،،، إنتبه إنو الموضوع ده :
مشاعر نقية ، رعاية+حماية ، عدم خيانة وإخلاص ، وأخيراَ إجتهاد من أجل الزواج ..
طيب نمسكا من الكب ...(أحم احم) قصدي من المشاعر النقية :-
أنا قاصد بيها الأولاد أكتر (بس لانو بعرفهم أحسن ..) ,,, مرات في أولاد حبهم بيكون ماعفيف وطاهر 100% ودي مشكلة كبيــرةلأنو سلامة النية أهم حاجة ........... فالزول يصلح نيتو ، ومايدي الشيطان فرصة.
رعاية + حماية :-
حتي لو مافي زول طلب منك الحكاية دي ،،، لأنو لو إنت متخبص بالجد حتلقي نفسك بتعمل فيها ... وطبعاَ قصدي بيها الحماية من كل خطر (مادي - - ومعنوي) حتي لو كان الزول نفسو ..كيف ؟ مرات الزول بيكون عندو أفكار سيئة وفهم غلط ,,,, فمافائدة المحبة لو إنت ماصلحت الطرف الآخر وحميتو من شر نفسو !! وفرجت عنو مشاكلو وهمومو ...
يعني الزول المتخبص مابعامل بالمثل ,,,,,,, وفي أقصي حالات المحبة ،،، مابينتظر مقابل .. (ممكن ناس يسموها عباطه) هاهاها
الإخلاص وعدم الخيانة :-
دي بقا ..... مشكل كبير .... صديق إنتا ماصاح يخون حبيبك ...
:Ta’7abo9bedia.com تعريف مصطلح الخيانة من
1) لا تخلط :
ماتقول لي دي ونسة خفافية ،،،،، وماتقولي لي دي دردشة ساكت ...
الزول لما يكون بيعمل في حاجة غلط ..... بيكون عارف نفسو
أهههها .... في داعي ياشباب تدخلو أخوكم في الحته الضيقة دي .... أسي سكتتني ومابقدر أرد عليها ,,,
بالجد لو الناس عاوزة علاقات مسيتقرة وقليلة المشاكل (بدون مشاكل مافي طبعاَ) ...... تكون ملتزمة ومخلصة ،،، ومافي داعي للشفقة .... وأي زول بياخد قسمــــــــــــــــــتـــو .(-: )
إجتهاد وسعي من أجل الزواج :-
شايف الشباب كلهم صرو وشهم وجاريين لي نور طويل ...
والبنات .... إتبسمو وومنتظرين الضرب القاسي علي الشباب ,,, من الإيد البتوجعهم ..
طيب يافرد : أول حاجه :
قال الله تعالى:(وَمَا مِن دَابَّةٍ فِي ٱلأرْضِ إِلاَّ عَلَى ٱللَّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا كُلٌّ فِى كِتَابٍ مُّبِينٍ) [هود:6]
تقسيم الأرزاق بين الناس، لا علاقة له، بالحسب ولا بالنسب، ولا بالعقل والذكاء، ولا بالوجاهة والمكانة ولا بالطاعة والعصيان، وإنما يوزع جل جلاله رزقه على عباده، لحكمة هو يعلمها ...
في ناس طبعاَ أول ماشافو الكلام ده ,,,,طوالي ,,,, ياخ عارفيين ياخ ,,,,
لا لا ماعارفيين ,,,لو عارفيين بالجد ماكان كلكم حافظين الأسطوانة بتاعت ( الواحد لما يتخرج ، والخدمة الوطنية ، وعشان تلقي شغل ، والواسطة ، وتكون نفسك ، والصالة ، والفنان ، والمهر ، والعشاء ، وده كلو هين حأصرف عليها يومياَ من وين ) ودي منو البتنتظرك في الزمن ده ...
كلام منطقي جداَ _ومحبط جداَجداَ _
بس الحمدلله ,,, إنو الرزق مابالمنطق ,,,ماتفهموني غلط ... الزول مايقعد ساي ويقول الرزق مابالمنطق بس كمان يكفي إنك تتوكل علي الله وتجتهد وربنا بسهلها إن شاء الله ( بس حكاية النية ماتنسوها ----- مهمة جداَ في التوفيق )
أما دي منو البتنتظرك دي !! فإنت الغلطان لو إتورطت مع واحدة هاي كلاس ، وإستايل ,,, ومابتقدر الظروف ,, وإنتا ماعندك قدرة ليها
فكر في أي حاجة تقدر تشتغلها ...وماتقعد ساي ... لأنو - - - - - في الحركـــــة بركـــــــة .
وفي الآخر لو ماأقنعك كلامي ده وحسيت إنو ده كلام زول متفائل ساي ,,,, وبيحلم ,,,, وحسيت إنو ظروفك وكده (طبعاَ أنا مقدر إنو الناس ظروفا ماكلها واحده وبالجد في ناس ممكن تكون عندهم مشاكل - - - ربنا يساعدهم إن شاء الله )
فحأقول ليك قال صلي الله عليه وسلم : (( رحم الله رجلاَ عرف قدر نفسه )) أو كما قال ،،، بس في الحالة دي ماتربط ساي وتجيب لي نفسك ولي غيرك مشاكل ،،، خليك بعيد لما تتحسن الظروف .
أما البنات :
فأنا حأأخر الكلام معاكم في النقطة دي (نسبة لي ظروف كده ) ------- إلي وقت لاحق إن شاء الله ,,,
وأخيراَ - - - حأختم بمقولة برددها واحد صاحبنا في هندسة :
(الرَدَحِى ) لمن لا يعرفونه هو طريقة من الطرق (الكثيرة) التى تستخدمها النسوان فى حروبهن ونزاعاتهن ... وهى طريقة تعتمد أساساً على إستخدام فنون اللغة من سجع و طباق و مقابلة لإعطاء الكلمات معنىً أكثر قوة...... و هذه الكلمات بدورها منتقاة بعناية من قِبل (الرادحة) لتؤكد علو مكانتها أو لِتحط من قدر رادحة أخرى...وهو ما يجعله ضرباً من ضروب الفنون تشتهر به الرادحات و يتميزن به عن باقى (النسوان) البجم اللآتى لا يستطعن الدفاع عن انفسهن.
مثال:
ما تقيفى فى الزلط و تتكلمى غلط
.. نحن نححححححححححححححمد الله الغدا ضأن.. و التحلية برتكان...
...العشا حمام و التحلية شمّام .....و مليانيييييييييييين يا إنتى ...
....لا كوع يقد الوسادة لا ساق يضبح الجدادة ...نحن تربية بيت و فرش موكيت....
....هيييييههههيييييييييى..
..
...... حليلكم إنتو يا ناس الإشلاق يا الما سمعتو بى السيريلاك ....
....نببببببببرة و نستبرة و ما نسكن جبرة...
...بششششششتنة و الناس متمحنة ...
..أوع من كدا و الدنيا شتا ...
.هيييييييييييييييييييييييى ...
السنة دي اول سنة ادخل في الناس "مجتمع الجامعة " واتعرف بيهم عن قرب-نسبة لظروف قاهرة اجبرتني على ذلك-هذه الظروف خلتني اتعامل مع بنات و اولاد كتار من مختلف البيئات واعرف كتير من صفات الجنسين ما كنت عارفاها.
زمان كان رائي انو مجتمع الأولاد مجتمع قاتل، وإنهم دايما بيظهروا لينا- البنات -عكس ما يبطنوا.. وافكارهم دايما شريرة وما في حاجة كويسة وما في خير بيعملوه الا تجي من وراه مصيبة.
معليش ...
انا بعتذر عن الكلام القلتو ده .. ماعشان هو ما صاح .. لأ هوصاح 100% لكن اكتشفت – مؤخرا - انو مجتمع البنات اردء.
القصص الأنا حقولها دي ما من صنع خيالي الخصب .. هي مواقف مريت بها ... وللأسف الشديد بتحصل مع كتار غيري ... وبتتكرر ..
السؤال: هل البنات في الكلية دي والأنا بعرفهم عينة عشوائية تمثل مجتمع الفتيات احسن تمثيل.. ولا انا الكج وحظي زي وشي الخلاني اعرف بس الاشكال دي؟؟!!!
أنا حأحكي وانتو احكموا ......
الموقف الاول
من الصباح تلاقيك الوحدة اخر سلام وبوس و ونسة ... نهاية اليوم تلاقيك صارة وبتحدر .. يا بت الناس مالك؟!!!اسال بقية الشلة،ياجماعة فلانة دي شكلا زعلانة مني عارفين لي؟بردوا: انت قبيل ما كنت خالطة فلان زولا..-خالطة؟!!!!!!ياجماعة هو الجاني وسلم علي..السلام سنة..وبعد داك سالنا بعض عن احوالنا، ما هو زميلي في النهاية..بقيتوني خالطاه؟!!
سبحان الله .. يعني الوش المركباه لي ده بس عشان وقفت مع زولها!
ياخ ما تخلي عندك ثقة بي نفسك..هو مش شايف الطرح دي كلها قدامه..وفي النهاية اختارك انت..بطلي غيرة واركزي شوية..ديل شنو ديل؟!!!لذا قررت ومراعاة لمشاعر صحباتي - لاني طيبة ومسكينة - وعشان ما اخسر البنات لانو كلهم عندهم الحركات دي,اني ما اقيف مع اي من ازوالهم"ما عارفة الجمع ده صح ولا لا"وكده شبه قطعت علاقتي مع اي ولد في دفعتنا مربط..
والله عشان اكون صريحة..ما قطعتها.....
بس قبال ما امشي عليه بتاكد انو ساحة المعركة خالية من الاعداء " الفتاة صاحبة الولد وصحباتها الفتانات"
(كمان آخر زمن دايرين يطلعوني خطافة رجال!!)
وكده قفلت علي الباب ده..
الموقف الثاني..
عندنا مشروع دايرين ننفذه في الكلية .. وكانت المجموعة القائمة على هذا العمل .. فيها انا ومعاي اولاد وبنات تانين، المهم بقينا شغالين مع بعض طالعين ونازلين سوا..
بعد فترة جاتني ليك وحدة من بعيد تتبسم..
-ازيك يا فلانة
-اهلين يامرحب
-كيف الاحوال؟اها ما في جديد" ما في جديد دي قالتا بعوجة خشم وانا الهبلة رديت عليها بكل سذاجة"
-والله الحمدلله..بس الموضوع ده ما مشى الزول المفروض يعمل الحاجة دي ما جه اتاخر
"طبعا رديت عليها في الموضوع الشغالة فيه"..
-لالأ..انا قصدي جديد بينك وبين فلان "فلان ده طلع واحد من الجماعة الشغالة معاهم"
-؟!!!!!! "نظرة بلهاء ارتسمت على وجهي"
-مالك مستغربة كده..ما شايفاكم اليوم كله مع بعض قلت احتمال..
-عايني يازولة ما في شئ بيناتنا..
واديتا ليكم تهزيئة كده ومشيت خليتا..
تاني يوم لقيت ليك الجماعة كلهم بدوروا فيني بفلان ده..ولمن اكورك واقول مافي شي ..يقولو لي يازولة انتي زعلانة مالك انت لاقية.!
يعني:1- لصقوا فيني زول بقونا علي قولهم جكس لذيذ
2- طلعوني زي كنت بشحد لي زول اجكسه،وفي النهاية لمن لقيت طلعت جاحدة للنعمة الانعم بيها ربنا علي!..
ما عافية ليكم .. حتى لو كان هزار..
الموقف الثالث..
يوم قاعدين بنات كتار بنتونس ونسة جميلة لا فيها قطيعة ولا شمار ... جاتنا ليك برلومة سلمت علينا.. لاحظت انو كلهم سلموا عليها مسيخ وبطرف يدينهم..قلت ليهم:
-البت دي انا بحبها ظريفة و بشوشة وتعاملها حلو .. (ندموني على الكلام القلتو)
ردوا علي هايجين:
واحدة قالت: دي برلومة خفيفة وبالعة ليها حبة ظرافة
الثانية قالت: ياخ ما خالة فلان ولدنا في حالو.. مجل ما قاعد جارية وراه زي ضلو... ما تشوف ليها برلوم زيها!
التالتة قالت: انا زاتي ما عارفه فلان ده مكسر فيها ليه؟ كان ما شينة ودمها بقري وانا بكرهها..
-والله كان جينا للحق البت دي ولدنا هو الجاري وراها وهي بت مؤدبة وسمحة وما فيها كلمة...مالكم بتكرهوا من طرف..انتو براكم عشان ولدكم عايزها بتغيروا منها..
ردت علي وحدة:
آي ولدنا وبنغير عليه... احسن تختاه
-طيب انت فلان ده كاان حسع جاك بترضي بيه؟
بالحرف الواحد قالت "ابرا واستبرا مالك علي.. طبعا ما برضى بيه".
اها شوفوا جنس ده!
لا يرحموا... لا يخلوا رحمة ربنا تنزل!!!!!!!!!
الموقف الرابع..
لأسباب صحية وجسمانية و نفسية غبت لي كم يوم كده من الجامعة قلت ارتاح شوية..
جاتني وحده...
-ازيك، مالك غايبه ليك كم يوم...اكيد كاسرة
-والله تعبانة ،كسر شنو يااخ..انا قرايتي بطالة
-اهاااااا.. طيب الحاجة دي انا ما فاهماها ممكن تشرحيها لي؟
شرحت ليها الحاجة السالت منها
-والله قال عيانة!..ومال لو كنت كاسرة وقارية كان حيحصل شنو؟!
-(قل هو الله احد..ياحاسدة مالك علي) والله ده قريتو زمان..
ومضت في حالها.
جاتني وحدة تانية سالتني من حاجة اشرحها ليها...وانا ما كنت فاهماها، اتاسفت ليها وقالت لي مافي مشكلة وفرتكت..
الأيام التي تلت ذلك اليوم البت وصحباتها مساخة وبرود وكالعادة حدير...
ما اشتغلت بيهم، انا اصلا متعوده على الحاات دي..
بعد كم يوم اسمع لي كلام طاير..انو فلانة "اللي هي حضرتي" قاااارية جنس قراية وكاسرة في بيتهم..وغتيتة وما بتشرح الا لي ناسها!!
ووووب علي...والله ربنا يعلم لا قاعدة اقرا ولا غتيتة وما بشرح... ده كلو عشان شرحت لي وحدة وخليت التانية.
عشان الكلام ما يكتر...مخصوص مشيت وضغطت علي نفسي عشان اقرا الحاجات السالت منها المودموزيل الما جاوبتها .. وجيت بعد داك شرحت ليها وما خليتها لمن فهمت...
عارفين جزائي كان شنو؟
قالت لي:
طيب انتي لمن عارفة مالك ما شرحتي لي من المرة الأولى..ولا هرشتي...وضحكت ومشت!!
هرشت من شنو؟!
صاح هرشت من كلام الناس..
انا ما غبية ذاتي البشرح لزي امثالك اصحاب العقول المتعفنة.
البت دي من اول يوم عرفتها..حبيتها-ولسه بعد العملتو لي ده بحبها من قلبي-اتشاركنا كتير من الحجات.. من القراية ونشاطات في الجامعة وونسة ومشاكل وهموم..وبقينا زي الأخوات.
جات امبارح استشارتني في موضوع.. وكانت بالجد مهمومة بيه وما عارفة تتخذ قرار...
شلت الهم معاها...وقعدنا ساعات بنتكلم ونفكر..عشان ناخد القرار الصح...
بعد داك اتفرقنا وقلنا لي بكرة..نكمل كلامنا...
اليوم جاتني بأفكار جديدة وكأنو في زول ملى ليها راسها...لمن حاولت اتكلم معاها...واذكرها بكلام امبارح...واقول ليها ماتستعجلي و....
ردت علي:"عايني..انتي امرقي منها بس!"
كلمتها وجعتني شديد...
في العادة برمي دميعاتي وابكي...
لكن للأسف زي دي ما بتستاهل ابكي عشانها..
إذا أنا بتجرح من اقرب الناس لي...ما مفروض الوم البقية...
باقي اليوم قضيتو زهجانة ومبتأسة...
لاقاني ولد كده...
طلب مني خدمة..عملتها ليهو
قام قال لي "يا..... انتي ما بتشبهي البنات"
طبعا فرحت وقلت ليهو شكراً ومشيت (لأني طبعا كنت شامة البنات في اللحظة ديك)..
لكن بعد شوية حسيت بإني – كيشة - ليه أنا افترضت انو الكلام ده تشكير...هو عارف شنو عن البنات غير انهم: سمحات ونظيفات وراقين ورايقين ولطيفات وأنا: جواطة وجوعارة وما في صفة من صفات البنات فيني....
الساعة 2 و نصف ظهرا و الشمس نار جهنم.....طلبة من مختلف المستويات شايلين شنط ومعهم بعضالمهمومينومدرب اصلع هو ايهاب فضل له كل التحية و التقدير .
هم ابطال المنتخب يدفع كل واحد منهم 2 الف قروش الترحيل الى امدرمان ,بحرى,شمبات ,الصافية,اركويت ويكونو محظوظين اذا مافى زول طردهم من الميدان.
الفصل الثانى:-
بدات البطولة .......... School vs. handsa
اختبار حقيقى للمنتخب فى مواجهة بعبع الجامعة صاحب القاعدة الجماهيرية الضخمة والامكانات المادية.
النتيجة النهائية صفر / صفر.
من الواضح ان المنتخب مبشر و ان هناك انجاز قادم رغم فقدان اربعة من اعمدة الفريق.
الفصل الثالث:-
فجاة.....................خرج المارد من قدرة الفول.
جمعية النبراس تدعم المنتخب ماديا.
بالمناسبة جمعية النبراس جمعية موسمية مكونة من افراد من اسكول القاسم المشترك بينهم المؤتمر الوطنى"كيزان"وآخر نشاط للجمعية كان استقبال الطلاب الجدد (07 ) وتكريم المنتخب الفائز بكاس البطولة السابقة.
فى ناس ............جاطت الكيزان ديل ما دايرنهم معانا, رد عليهم البعض........ فى النهاية ديل طلبة فى كليتنا مامشكلة كان دعمو منتخب كليتهم اذا كان ما عندهم غرض من الموضوع.
الفصل الرابع :-
شيئا فشيئا تحول الدعم الى تبنى المنتخب نفسه و التدخل فى شئونهوذلك للكسب السياسى وذلك لقرب الانتخابات سواء الرابطة او الاتحاد ,ضاربين بذلك عرض الحائط عرق ومجهود كل اللذين وقفوا مع الفريقوقفة حقيقية وفاعلةلا يدفعهم الى ذلكسوى حبهم وولائهم للكلية الجهاز الإداري (معتز الفاتح "اسكاى" , عكاشة نصر الدين, مصطفى "تمساح" , خالد عطبرة"وافكا", أحمد برير"برّة")وأبطال الكلية( أمنية بشير , حسين البرلوم,مكرم ,قدورة,وليد,محمد عبد الرحيم,الخريجين .......الخ) واخرين نعتذر لهم لاننا لم نوفيهم حقهم من الذين شجعوا الفريق ودعموا الفريق ماديا ومعنويا وبالاخص الكانوا بجمعوا ال shareخلال اكثر من شهر ونصف.
الفصل الاخير:-
للاسف مات البطل فى الحلقة الاخيرة.
فى النهاية حقق المنتخب الانجاز واراد الطلاب حصاد مجهودهم وعمل احتفال تكريما لهم اولا وللمنتخب ثانيا بعد ان اغتال الاتحاد و جمهور هندسة فرحة التتويج.
ولكن مات البطل................وكان الحصاد ً صــــــــــــــــــــــفركبير على الشمال.
وحصل المارد على ما يريد وكان المــــــــــــــلصق:-
"على المرء أن يكون حاملا بعد لشئ من الفوضى كى يلد نجما راقصا أقول لكم : ما زال لديكم شئ من فوضى فى داخلكم.
الويل,! الويل! سيأتى الوقت الذى لن يلد المرء فيه نجما. الويل,! الويل! سيأتى زمن الانسان الاكثر حقارة, ذلك الذى لم يعد قادرا على احتقار نفسه.
ثم ها هى الأرض وقد غدت صغيرة , وفوقها ينط الانسان الأخير الذى يصغّّر كل شئ . نوعه غير قابل للانقراض مثل فصيلة البراغيث, ان الانسان الأخير لهو الأطول عمرا.
أنظروا ! ها انا أرسم لكم صورة الانسان الاخير!
((مالحب؟ ما الخلق؟ ما الرغبة؟ ما النجّّم؟)) هكذا يسأل الانسان الأخير وهو يغمز بعينه."
بهذا الكلمات المنسجمة والمتناغمة للفيلسوف اللاأخلاقى الأول (نيتشة) بداء تصورى للسطور التالية يختمر فى عقلى فامسكت بالنصل وبداءت الكتابة وبداءت حوارى.
*محمد جمال ماهى الحياة؟
"ذلك الخطاء الدائم والذي يسمى الحياة على وجه الدقة."
وقد وصفتها "أحلا مستغانمى" بأنها صالة المغادرة التى نودع فيها معارفنا ونحن نغرق أعيننا بالدموع ليتم أستقبالهم فى صالة ا لوصول فى الجانب الاخر.
اقول لكم اذا كانت الحياة ملهاة فى نظر الانسان الذى يفكر فانها ماساة فى نظر الانسان الذى يحس ويشعر.
*محمد جمال و الموت؟
قال "اسبينوزا" ان اّخر ما يفكر فيه الرجل الحر هو الموت فالحكمة -عنده - فى تأمل الحياة لا الموت.
قد يموت العشاق ولكن طالما الحب سيبقى فالموت لا سلطان له.
*محمد جمال والحرية؟
الحرية هى ثالوث موحد الذات, متلازم الصفات, يكون بمظهر الوجود فيقال له الحرية الطبيعية وبمظهر الاجتماع فيعرف بالحرية المدنية وبمظهر العلائق الجامعة فيسمى بالحرية السياسية.
وقد حدها "منتين" بقوله هى القدرة على فعل كل ما يتعلق بذاتى . وبمثل ذلك حدها الحكيم "سنيك".وعرف "مونتسيكو " الحرية المدنية بأن لا يجبر المرء على ما لا توجبه القوانين وعرف الحرية السياسية بأن يفعل كل ما تجيزه القوانين. فان الظاهر من قول هذا الفيلسوف الفرنسى أن الحرية موجودة فى واشنطن وجودها فىطهران , حاصلة فى لندن حصولها فى بكين. وقد عرفها الفيلسوف الفرنسى "سارتر" بانها الفن فى اختيار القيد فكل القوانين السياسية والمدنية والعادات والتقاليد.....الخ.. هى هامش لممارسة الحرية وما علينا الا الاختيار بينها. وليس الامر كذلك بل الحرية الحقيقية غريبة فى كل مكان ,لسوء حظ الانسان.
*محمد جمال وسؤال الانسان؟
ان اكبر المشاكل التى تواجه دراسة الانسان هى الدراسة نفسها فالانسان هو الباحث وهو موضوع الدراسة نفسه واعتقد ان كل الذين حاولوا دراسة الانسان لم يخرجوا من نطاق الصيرورة الانسانية والظروف والعوامل التى تؤثر على الانسان.
ولكن اعتقد ان المقولة التالية التى نطق بها "بيتر فوست" حين قال : الانسان هو الموجود المتوسط بين الحياة(bios) والعقل (logos) فانه لا يجد الاشباع التام فى الحياة ولكنه لا يجد الراحة النهائية فى العقل.
*محمد جمال والحب؟
الحب هو أن يستلقى احدهم بعيدا وحذاءه بالمنزل اي هو المرادف الهزلى للموت.
الحب هو ان تظل دائما تشتهى الوصل على الرغم من انك قد وصلت الى نقطة النهاية.
هو الوحيد الذى نستمتع فيه بطعم الألم.
نتذوقه دائما عند فقده.
نعيشه لحظة بلحظة ولا نمتلكه ابدا.
*والله؟
قلت لشجرة اللوز حدثينى عن الله يا أخت؟
فأزهرت شجرة اللوز.
محمد جمال والكتابة؟
الادب مهنة تضطرك الى اثبات موهبتك كل يوم لاولئك الذين لا يملكون اى موهبة.
"الفنان الذى يكتب عن نفسه وعن وقته الحاضر هو الوحيد الذى يكتب عن كل الناس وكل العصور"
ومن يكون كاتب المقولة السابقة غير "برناردشو".
"العالم خطوط مرقومة فى رق الوجود المنشور ولا تزال الكتابة فيه دائما لا تنتهى".
ام هذه المقولة التى رتبت كل العلاقات بين الكون والنص واحرقت كل الكتابات المدرسية والمنهجية
والاتجاهات الكلاسيكية والحديثة للنقد الادبى فقد خرجت من فم العلامة والامام الاكبر"محى الدين بن عربى".
*وماهى اللغة؟
اللغة علبة للرياء ..... اللغة لعبة فى يد من يشاء......
ولكن قد نكون نحن لعبة فى يد اللغة تحكمنا من خلال قاموسها الضخم وتجعل الكل متناقض فى الواحد..
*وما هى الحقيقة ؟
جال السِِؤال فى خاطرى وجلت معه داخل خاطرى وانا اناشد كل خيالاتى المسموعة والمرئية وغيرها
لقد سمعت يوما ان الحقيقة الوحيدة هى انه لا توجد حقيقة ولكن هل هذا الانشاء الذى صيغ لوصف الحقيقة حقيقى لم اقنع بهذا الجواب وتجاهلت الأمر على مضض ولكن مع وقوع هذا السؤال على أذنى كالصاعقة عادت الى كل الخواطر بغتة وأخذت أردد ما الحقيقة.........؟؟؟؟ ما الحقيقة..........؟؟؟ هل هى نفسها المطلق غير المرئ ام هى الحقيقة التى نعتمرها نحن متجاهلين كل ما سواها ام انها غير موجودة فعلا .
من يدرى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟